Ásamt því að vera einkaþjálfari hjá WorldClass er ég einnig styrktarþjálfari hjá fótboltanum í Þrótti. Ég vinn með öðrum þjálfara þar. Ég er styrktarþjálfari hjá 4.fl, 3.fl og 2.fl kk og kvk. Þar fæ ég góða reynslu á að þjálfa þessa hópa og einstaklinga sem eru að stefna að því að vera góðir íþróttamenn og gefur það góða og skemmtilega fjölbreyttni við það sem ég er að gera sem einkaþjálfari í WorldClass. Ég á bakgrunn úr fótbolta og var sjö ára gömul þegar ég byrjaði að æfa og stefndi hátt í íþróttinni, en eftir að ég lagði fótboltaskóna á hilluna fann ég ástríðuna í hlaupunum. Ég er uppalinn HK-ingur og spilaði með HK/Víking í fyrstu deild og með Fylki og Aftureldingu í úrvalsdeild.