Ég er einkaþjálfari hjá WorldClass. Ég legg áherslu á að þjálfa einstaklinga í styrktarþjálfun og þolþjálfun. Það eru allir velkomnir í þjálfun en ég vil helst taka að mér íþróttafólk, einstaklinga sem vilja ná lengra í sinni íþrótt, fólk sem á bakgrunn í íþrótt eða er vant því að hreyfa sig. Einstaklinga sem vilja koma hreyfingu og heilbrigði almennilega inn í lífsstíl sinn. Fólk sem vill bæta líkamlegt form eða hvað sem markmiðið er.

Æfingarnar hjá mér eru fjölbreyttar og árangursríkar. Þjálfunin er sérsniðin eftir því hvert markmið einstaklingsins er. Dæmi um markmið sem fólk gæti haft og ég gæti unnið með er að bæta sig í sinni íþrótt, styrkjast, léttast, þyngjast og/eða bæta þol. Ég tek að mér einka-og hópþjálfun. Ég bý einnig til hlaupaprógram.